Puntland, 2025 – Ciidamada Puntland ayaa shalay ku dhawaaqay in ay gacanta ku dhigeen deegaanno ay ku sugnaayeen dagaallamayaal ka tirsan Daacish ka dib howlgalo cirka iyo dhulka ah oo muddo seddex maalmood socday. Ciidamadu waxay sheegeen inay la wareegeen deegaannada Sadow, Cadalle, iyo Raa-raha oo ka tirsan gobolka Baallade (Calmiskaad).
Warbixin kasoo baxday Hawlgallada Ka-hortagga Argagixisada ee Puntland ayaa lagu sheegay in howlgalkaas lagu dilay xubno badan oo ka tirsan kooxda Daacish, isla markaana lagu guuleystay in la qabsado hub iyo agab fara badan oo kooxdaasi isticmaali jirtay.
“Weerarkeenna wuxuu ku guuleystay in lagu dilay dagaalyahanno ISIS ah, waxaana la qabtay hub iyo agab kale oo muhiim ah,” ayaa lagu yiri warbixinta kasoo baxday Ciidamada Puntland.
