Hirshabelle(Dawan) - Wasaaradda Gaashaandhigga ee Dowladda Federaalka Soomaaliya ayaa shaacisay in ciidamada Xoogga Dalka Soomaaliyeed (CXDS), oo kaashanaya ciidamo deegaanka ah, ay 6-da Juun 2025 fuliyeen howlgal ballaaran oo ka dhacay deegaanka Ceel-dheere, oo ku yaalla xadka gobollada Shabeellaha Dhexe iyo Hiiraan.
Howlgalka oo isugu jiray dagaal toos ah iyo duqeyn cirka ah oo lala kaashaday saaxiibada caalamiga ah, ayaa lagu beegsaday saldhigyo iyo meelo ay ku dhuumaaleysanayeen kooxda Al-Shabaab.
Sida lagu sheegay war-saxaafadeedka Wasaaradda Gaashaandhigga, howlgalka waxaa lagu dilay horjoogayaal sare iyo xubno Alshabaab ah , waxaana la burburiyay xarumo istaraatiiji ah.
