Moqdisho (Dawan)- Ugu yaraan afar qof ayaa ku dhintay, tiro kalena way ku dhaawacmeen kaddib markii diyaarad dagaal oo aan haybteeda la garan xalay duqeyn ka geysatay degmada Jilib ee gobolka Jubbada Dhexe.
wararka aan helnay ayaa intaas ku daraya, in duqeynta lala beegsaday guryo ay degan yihiin dad rayid ah, waxaana ka dhashay khasaare isugu jira dhimasho, dhaawac iyo burbur xooggan.
Dowladda Soomaaliya, iyo dowladaha ka caawiya la dagaalanka kooxda Al-shabaab ayaan ilaa iyo hadda war rasmi ah kasoo saarin duqeynta.
Howlgalkaan geystay khasaaraha ayaa kusoo beegmaya maalmo ka dib markii ilmo saddex jir ah lagu dilay duqeyn ka dhacday degmada Gal-hareeri ee gobalka Galgaduud.
