Muqdisho (Dawan)- Booliska Soomaaliya iyo Kooxda Al-shabaab ayaa warar is khilaafsan kasoo kala saaray qarax saakay subaxnimadii lala beegsaday xero ciidan oo ku taal deegaanka Ceelasha-Biyaha ee duleedka Muqdisho.
Af-hayeenka Booliska Soomaaliya Sadiiq Aadan Cali Doodishe oo ka warbixay qaraxa ayaa sheegay in gaari walxaha qarxa laga soo buuxiyay lala eegtay ciidanka ku sugan barkonotorool oo ku taal Ceelasha-Biyaha.
Af-hayeenka ayaa sheegay in lix qofood oo afar ka mid ah ahaayen ciidan ay ku dhimatay qaraxa, halka ay ku dhaawacmeen sagaal ruux oo shan ka mid ah ay tahay ciidanka amaanka ee halkaas ku sugnaa.
Qaraxa ayaa sidoo kale burbur u geystay dhwor dhismo ee goobta ka ag dhawaa sida uu xaqiijiyay Af-hayeenka Booliska.
