Eritrea iyo Suudaan oo ka wada hadlay xasilloonida Badda Cas

Madaxweyne Isaias Afwerki ayaa sheegay in dalkiisa ay ka go’an tahay xoojinta xiriirrada taariikhiga ah ee uu la leeyahay Suudaan, isla markaana uu taageerayo dadaallada lagu xaqiijinayo amniga iyo xasilloonida, isagoo carrabka ku adkeeyay baahida loo qabo iskaashi iyo isku-duwid joogto ah si loo wajaho caqabadaha wadajirka ah.

Dhankooda, labada Wasiir ayaa bogaadiyay garab istaagga dowladda Eritrea ay u muujisay shacabka Suudaan xilliga adag ee ay ku jiraan. Waxay sidoo kale amaaneen mowqifka siyaasadeed ee Madaxweyne Afwerki ee taageeraya midnimada, amniga iyo xasilloonida Suudaan.

Muwaadiniinta Suudaan ayaa tan iyo markii uu qarxay dagaalka dalkaasi 15-kii Abriil 2023 waxay ka heleen Eritrea mudnaano gaar ah, oo ay ka mid yihiin ka-dhaafid khidmadaha dowladeed iyo xorriyad dhaqdhaqaaq, taas oo muujinaysa heerka iskaashiga iyo xiriirka dhow ee ka dhexeeya labada dal.