Kismaayo (Dawan) – Wasiirka Wasaaradda Gargaarka iyo Maareynta Masiibooyinka Jubbaland, Cabdiraxmaan Maxamed Maxamuud (Dhiriq), ayaa maanta kulan la qaatay Madaxa Hay’adda Cuntada Adduunka ee FAO Soomaaliya, Étienne Peterschmitt, si looga wada hadlo saameynta abaarta ee dadka ku nool Jubbaland, gaar ahaan barakacayaasha ku sugan kaamamka Kismaayo.
Kulanka ayaa diiradda lagu saaray xaaladda abaaraha, gaar ahaan dadka nugul iyo baahiyaha degdegga ah ee ka dhashay. Wasaaradda ayaa soo bandhigtay xogtii ugu dambeysay ee xaaladda, waxaana kulanka ku wehliyay Guddoomiyaha Hay’adda Qaxootiga iyo Barakacayaasha Jubbaland iyo shaqaale ka tirsan wasaaradda.
