FAO oo Ka Deyrisay Xaaladda Cuntada iyo Nafaqo-xumada Carruurta Soomaaliya

Muqdisho, Soomaaliya - Abriil 2025 – Hay’adda Cuntada iyo Beeraha Adduunka (FAO) ayaa soo saartay digniin ku saabsan kororka baahida cunno iyo heerka sare ee nafaqo-darrada carruurta Soomaaliya, iyadoo dalku ku jiro xaalad bini’aadantinimo oo sii xumaaneysa. Warbixinta cusub ee IPC (Caddeynta Heerarka Cunto-yarida) ee la daabacay 29-kii Maarso 2025, ayaa tilmaamaysa in in ka badan 4.6 milyan oo qof ay wajahayaan cunno yari ba'an inta u dhaxeysa Abriil ilaa Juun 2025, iyadoo 784,000 qof ay u dhow yihiin inay galaan heer degdeg ah oo nafaqo-xumo (IPC Phase 4).

Warbixintu waxay sidoo kale iftiimisay in ku dhowaad 1.8 milyan oo carruur ah oo da’doodu tahay 6-59 bilood ay halis ugu jiraan nafaqo-darro, iyadoo 479,000 ka mid ah carruurtani ay qabaan nafaqo-darro daran (SAM).

Arrimaha ugu waaweyn ee sababaya xaaladdan waxaa ka mid ah:

FAO iyo la-hawlgalayaasheeda ayaa ugu baaqay beesha caalamka in si degdeg ah loo kordhiyo maalgelinta gargaarka bini’aadantinimo si loo badbaadiyo nolosha dadka Soomaaliyeed, gaar ahaan carruurta ku sugan xaalada halista ah.

“Xaaladda nafaqo-xumada ee Soomaaliya waxay mareysaa heer laga deyrin karo, waxayna u baahan tahay tallaabo degdeg ah oo isugu jirta gargaar degdeg ah iyo qorshe fog oo xal waara lagu gaari karo,” ayaa lagu yiri warbixinta FAO.