Manama (Dawan)- Wasiirka Arrimaha Dibadda iyo Iskaashiga Caalamiga Soomaaliya, Axmed Macallin Fiqi Axmed, ayaa maanta oo Talaado ah kaga qeybgalay Magaalada Manama ee Caasimadda Boqortooyada Bahrain , Shirka Wasiirrada Arrimaha Dibadda ee Golaha Jaamacadda Carabta oo gogol-xaar u ah Shir madaxeedka Carbeed, meertadiisa caadiga ah ee 33-aad.
Kulanka heer Wasiir ee Jaamacadda Carbta, waxaa lagu lafa guray dhowr qodobo oo la doonayo inay ka mid noqdaan ajandayaasha go'aannada ka soo bixi doona Shir madaxeedka Carbeed.
Wasiir Fiqi ayaa inta uu kulanka socdo la kulmi doona tiro ka mid ah Wasiirrada Arrimaha Dibadda wadamada Carbeed ee , iyadoo la filayo in shirka uu ka soo baxo go'aanno lagu taageerayo Soomaaliya.
