Muqdisho (Dawan Africa) – Dalalka Geesta Afrika ayaa bilaabay tallaabooyin lagu dhimayo isticmaalka tamarta, iyadoo ay sii kordhayaan qiimaha shidaalka iyo gaaska ee ka dhashay qalalaasaha Bariga Dhexe oo bil jirsaday.
Kororka qiimaha shidaalka ayaa si gaar ah u saameeyay waddamada ku tiirsan soo dejinta shidaalka, taasoo ku qasabtay dowladaha inay qaadaan tallaabooyin lagu xakameynayo isticmaalka iyo kharashaadka.
Djibouti ayaa, iyadoo ah xarun muhiim u ah ganacsiga badda, la filayaa inay xoogga saarto waxtarka tamarta iyo xoojinta kaabayaasha dekedaha si loo yareeyo kharashaadka hawlgalka, xilli kulamo ay dowlada ku dooneyso in ay ku xakameyso sicirka suuqa la yeelatay ganacsatada oo dajiso badeecadaha dibadda ka yimaada, taas oo ay ka soo baxday in aan culees aysan bulsahda qaadi karin aan la saarin badeecadaha uu shidaalka ka mid yahay.
Ethiopia ayaa dhiirrigelisay shaqo fog iyo kulamo onlayn ah si loo yareeyo isticmaalka shidaalka, iyadoo sidoo kale ballaarinaysa barnaamijyada kaydinta tamarta ee hay’adaha dowladda iyo kuwa gaarka loo leeyahay.
Somalia, oo si weyn ugu tiirsan shidaal dibadda laga keeno, ayaa wajahaysa cadaadis kordhaya oo ka dhashay qiimaha sare, taasoo saameyn ku yeelanaysa gaadiidka, ganacsiga iyo nolosha maalinlaha ah ee shacabka, xilli qiimaha shidaalka uu kordhay ku dhawaad 100% inta uu ka hor dagaalka uu ahaa.
