Jig-jiga (Dawan)- Golaha Fulinta Dowlad Deegaanka Soomaalida ee Itoobiya, ayaa ansixiyay Bayaanka aas-aasidda Golaha Guurtida Dawladda Deegaanka Soomaalida oo kaalintiisu noqon doonto talo bixin.
Golaha ayaa si qoto dheer u falanqeeyey ahmiyada iyo baahida loo qabo helitaanka Gole Guurti oo ka shaqeeya wax wada qabsiga, nabad kuwada noolaanshaha, is-dhex-galka bulshada iyo midnimada, islamarkaasna ka qayb qaata jihaynta isbeddelada bulshada.
