Muqdisho (Dawan)- Kulanka todobaadka ee Golaha Wasiirrada Soomaaliya, ayaa lagu soo bandhigay warbixinno ku saabsan arrimo kala duwan oo saameyn ku leh amniga, qorshaha isbeddelka qaranka, iyo canshuurta iibka.
Amniga iyo Ciidanka la geeyay Raas-kambooni
Golaha Wasiirrada ayaa la horgeeyay warbixin la xiriirta ciidanka dhawaan ay dowladdu geysay deegaanka Raas-kambooni ee Jubbaland. Wasaaradda Amniga Gudaha ayaa caddeysay in ciidankaas la geeyey halkaas si ay ula wareegaan amniga deegaannadii ay ka baxeen ciidanka ATMIS, iyada oo ay qorshuhu yahay in ciidamadaas ay xaqiijiyaan amniga iyo xasiloonida goobahaas.
Qorshaha Isbeddelka Qaranka (NTP 2025-2029)
Wasaaradda Qorsheynta, Maalgashiga iyo Horumarinta Dhaqaalaha ayaa warbixin ka siisay Golaha horumarka Qorshaha Isbeddelka Qaranka (NTP) ee 2025-2029, kaas oo muddo sanad ah lagu howlanaa diyaarintiisa. Qorshahan ayaa maraya heer gabo-gebo ah, waxaana la filayaa inuu dhaqan galo sanadka 2025, isagoo beddeli doona Qorshaha Horumarinta Qaranka (NDP-9) ee hadda jira.
