Galmudug, (Dawan) – Hay’adda Maareynta Masiibooyinka Soomaaliya (SODMA) ayaa ku wareejisay maamulka degmada Hobyo ee dowlad goboleedka Galmudug 130 booyadood oo biyo ah, tallaabadan oo qayb ka ah dadaallada gargaarka ee gobolka si wax looga qabto xaaladda abaarta ee sii xoogeysaneysa.
Guddoomiyaha hay’adda SODMA, Maxamuud Macalin, ayaa sheegay in biyo la’aan xooggan ay saameysay bulshada deegaanka, gaar ahaan xoolo-dhaqatada iyo dadka ku tiirsan ilaha biyaha dabiiciga ah. Wuxuu intaa ku daray in booyadahan biyo ah aysan ku filneyn in si buuxda looga daboolo baahida, balse ay yihiin tallaabo bilow ah oo lagu caawinayo dadka deegaanka.
“100 booyadood iyo 200 booyadood waxa aan sheegeyno dadkan waxba uma galaan laakiin ilaah gacantiisa wax u gasho laakiin annaguna waxaan runtii muujineynaa heer federaal iyo heer maamul goboleedba inaan runtii idin moogaan oo idin nimaadno.,” ayuu yiri Maxamuud Macalin.
