Dooxa (Dawan)- Dowladda Qatar ayaa ku dhawaaqday, fiidnimadii Talaadada, in ay Isarel iyo Xamaas ku heshiiyeen sidii gargaar dawo loo gaarsiin lahaa dadka rayidka ah ee ku nool Marinka Gaza iyo maxaabiista laga heysto Isarel.
Tillaabadaan ayaa timid kadib dhaxdhaxaadin ay sameysay Dowladda Qatarm sida uu sheegay Afhayeennka Wasaaradda Arrimaha Dibadda ee dalkaas, Maajid bin Maxamed Al-Ansaari.
Sida uu sheegay Afhayeenku, Qatar oo kaashaneysa Faransiiska ayaa ku guuleysatay in labada dhinac gaaraan heshiiskaan oo suurta gelinaya in dawooyin iyo shixnado gargaar bini aadantinimo ah la gaarsiiyo dadka rayidka ee Marinka Gaza, gaar ahaan kuwa ay soo gaartay waxyeelada ugu badan ee dagaalka.
Xamaas ayaa sidoo kale ogolaan doonta in maxaabista ay ka heysato Israel la gaarsiiyo dawooyinka ay u baahanyihiin, maadama ay jiraan kuwa ku dhaawacmay duqeynta ay Israel ka wado Marinka Gaza.
Xamaas ayaa dhawaan shaacisay in laba ka mid ah maxaabisti ay heysteen in ay ku dhinteen duqeynta Ciidamada Israel.
