Jabuuti (Dawan)- Shirkadaha isgaarsiinta ee Jabuuti, Itoobiya, iyo Suudaan ayaa heshiis ku wada saxeexday magaalada Jabuuti Arbacadii si loo bilaabo mashruuc fiber dhulka ah oo 2,800 kiiloomitir dheer, kaas oo loogu talagalay in lagu xoojiyo isku xirnaanta dhijitaalka ah ee Geeska Afrika laguna bixiyo bedel sugan oo fiilooyinka badda hoose ah.
Shabakaddan, oo isku xiraysa Jabuuti, Addis Ababa, iyo Port Sudan, waxay yeelan doontaa 144 xargo fiber ah, waxayna bixisaa xawaare sare oo internetka ah, iyadoo dib-u-dhaca xawaaraha (latency) uusan dhaafi doonin 14 kun meelood oo ilbiriqsi ah.
Agaasimaha Maamulka Djibouti Telecom, Maxamed Assoweh Bouh, ayaa mashruuca ku tilmaamay "jawaab la taaban karo oo lagu daboolayo baahida sii kordhaysa ee isku xirnaanta iyo amniga shabakadda Afrika," isaga oo xusay isku-dubaridka in ka badan hal sano ee u dhexeeya saddexda shirkadood.
Madaxa Sare ee Ethio Telecom, Frehiwot Tamiru, ayaa hindisahan ku tilmaamay "waddo isku xiran oo awood sare leh oo Afrika ku xidhi doonta dhijitaal," isagoo xooga saaray qiimaha iskaashiga Afrikaanka ah ee xalinta caqabadaha wadajirka ah.
