Jabuuti oo ka heshay FAO Ballan-qaad Maaliyadeed oo Lagu Maalgelinayo Xoolaha iyo Beeraha

Jabuuti – 8 December 2025- Madaxweynaha Jamhuuriyadda Jabuuti, Ismaaciil Cumar Geelle, ayaa Axaddii Madaxtooyada ku qaabilay Agaasimaha Guud ee Hay’adda Cuntada iyo Beeraha ee Qaramada Midoobay (FAO), Qu Dongyu, oo booqasho rasmi ah ku tegay dalkaas.

Kulanka ayaa diiradda lagu saaray horumarinta beeraha iyo xoolaha, sugidda cuntada, iyo mashaariic kale oo lagu kobcinayo dhaqaalaha dalka. Waxa sidoo kale la isla gartay sidii loo horumarin lahaa cuntooyinka kala duwan, ganacsiga beeraha iyo kalluumeysiga, iyo taageerada mashaariicda horumarineed ee muhiimka u ah Jabuuti.

Wasiirka Beeraha ee Jabuuti, Maxamed Axmed Cawaale, ayaa xaqiijiyay in lagu ballamay maalgelin ku dhow $100 milyan oo loogu talagalay mashaariicda horumarinta beeraha iyo xoolaha. “Waxaan helnay ballan-qaad maaliyadeed oo ku dhaw $100 milyan, oo lagu taageerayo mashaariicda beeraha iyo xoolaha,” ayuu yiri Wasiir Cawaale.

Dhankiisa, Agaasime Qu Dongyu, ayaa tilmaamay in Hay'adda FAO ay ka go’an tahay taageeridda qorshayaasha maalgashi ee Jabuuti iyo barnaamijyada horumarineed ee kor u qaadaya doorka dhaqaalaha dalka. “Waxaan ka wada hadalnay qorshaha maalgashiga ee Jabuuti iyo sida FAO ay u go’an tahay inay taageerto dalka si loo dhiso barnaamij ka caawin doona inuu noqdo xarun dhaqaale oo muhiim ah,” ayuu Qu Dongyu, ku qoray bartiisa X.

FAO waxay Jabuuti ka taageertaa dhinacyada kala duwan sida nafaqada dhallaanka iyo haweenaka, horumarinta cuntada iyo kobcinta beeraha iyo xoolaha, si kor loogu qaado kaalinta dalka ee dhaqaalaha Geeska Afrika.

Qoraallo Cusub

Masar oo Warshad korontada qorraxda ka dhalisa ka dhisaysa Jabuuti

Shiinaha oo Soomaaliya ku wareejiyay $1 milyan si loo xoojiyo gurmadka bini’aadantinimo

Jabuuti oo ka heshay FAO Ballan-qaad Maaliyadeed oo Lagu Maalgelinayo Xoolaha iyo Beeraha

Qaybaha

Jabuuti oo ka heshay FAO Ballan-qaad Maaliyadeed oo Lagu Maalgelinayo Xoolaha iyo Beeraha

Masar oo Warshad korontada qorraxda ka dhalisa ka dhisaysa Jabuuti

Shiinaha oo Soomaaliya ku wareejiyay $1 milyan si loo xoojiyo gurmadka bini’aadantinimo

M/weynaha Soomaaliya oo dhaliilay hannaanka caddaaladda adduunka kuna baaqay dib-u-habeyn

Ra’iisul Wasaaraha Soomaaliya iyo safiirka Qatar oo ka wadahadlay ka jawaabista abaarta dalka

Maqaallo La Xidhiidha

DDS oo xiraysa goobaha Caafimaad ee aan ruqsadda lahayn

Warfaafinta Somaliland oo Shaqada Iska Casilay ka Dib Baajintii Xuska Buugga Xeer Ciise

Soomaaliya oo fartay hay’adaha caalamiga ah inay la jaanqaadaan qorshaha qaran ee caafimaadka