Jabuuti (Dawan)- Madaxweynaha Jamhuuriyadda Jabuuti, Ismaaciil Cumar Geelle, ayaa warqadaha aqoonsiga danjiranimo ka guddoomay 6 safiir oo cusub kuwaas oo ka howl geli doona Jabuuti.
Safiirada cusub ayaa kala ah George Macgoye, Safiirka Jamhuuriyadda Kenya, Maaes Ennio, Safiirka Jamhuuriyadda Ivory Coast, Hassane Maïdawa Amadou, Safiirka Jamhuuriyadda Niger, Guillermo Antonio Lopez Mac-Lellan, Safiirka Boqortooyada Spain. Kosina Kankanamalage Kumarasiri, Safiirka Jamhuuriyadda Dimuqraadiga Hantiwadaaga ee Sri Lanka iyo Rodrigo Eduardo Guzman, Safiirka Jamhuuriyadda Chile.
Safiiradu waxay ay salaan ay ka sideen Hoggaamiyayaasha dalalkooda la wadaageen Madaxweyne Geelle, waxeyna ballan qaadeen in ay ka shaqeyn doonaan xoojinta xiriirka kala dhaxeeya Dowladda Jabuuti.
Safiirka Kenya George Macgoye ayaa ka sheekeeyay qiyamka iyo himilooyinka ay wadaagaan Jabuuti iyo Kenya, taasoo keentay in la xoojiyo xiriirka dhinacyada kala duwan ee istiraatiijiga ah, isaga oo tusaale usoo qaatay Guddigii Wadajirka ahaa ee dhawaan la magacaabay iyo sida ay uga go’an tahay hirgelinta qorshaha hor tebinta u leh kor u qaadida horumaka iyo xiriirka labada dal.
