Jabuuti – Jabuuti ayaa Shalay si rasmi ah looga xusay Maalinta Caalamiga ah ee Afka Shiinaha, taasoo qayb ka ah maalmaha Qaramada Midoobay u asteeysay luqadaha rasmiga ah.
Munaasabadda waxaa soo qabanqaabiyay Mac'hadka Jabuuti, iyadoo gacan ka helaya shirkado Shiineys ah oo ka hawlgala dalka.
Munaasabadda waxaa guddoomiyay Wasiirka Waxbarashada Jabuuti, Mudane Mustafe Maxamed Maxamuud, waxaana sidoo kale ka soo qayb galay Danjiraha Dowladda Shiinaha u fadhiya Jabuuti iyo mas’uuliyiin kale.
Qaramada Midoobay ayaa sanadkii 2010 si rasmi ah u asteysay maalmaha luqadaha rasmiga ah ee ay ka midka yihiin Carabiga, Faransiiska, Shiinaha iyo Ruushka, iyadoo sanad kasta ay dowladuhu xus gaar ah u sameeyaan luqadahooda rasmiga ah.
