Jabuuti, Oktoobar 16, 2025 — Waaxda Kastamka ee Jabuuti, iyada oo kaashanaysa Booliska Jabuuti, ayaa sheegtay inay ka hortagtay isku day dhoofinta daroogo oo ay ku lug lahaayeen afar qof oo lagu tuhunsan yahay inay liqeen xabbado kokaayiin ah si ay u soo geliyaan dalka.
Sida uu sheegay Booliska Qaranka ee Jabuuti Arbacadii, howlgalkan ayaa sababay in la qabto 119 xabbo oo kokaayiin ah, kuwaas oo lagu qiyaasay inay suuqa ku fadhiyan 27 milyan oo franc Jabuuti. Qabashadan ayaa timid kadib markii ay ciidamada amniga fuliyeen kormeer iyo dabagal qorshaysan oo lagu bartilmaameedsaday shabakado ganacsiga daroogada ah.
