Kulankii Golaha Shacabka oo Maanta Baaqday.

Mogadishu, —Kulankii Golaha Shacabka ee Baarlamaanka Soomaaliya ee maanta loo Madalsanaa ayaa baaqday.

Xildhibaanada Golaha Shacabka ayaa xalay lagu wargeliyay baaqashada kulankii maanta, iyadoo fariin lala wadaagay xubnaha Golaha iyo saxaafadda lagu sheegay in kulankii maanta uu baaqday.

Lama shaacin sababta rasmiga ah ee baaqashada kulanka Xildhibaanada golaha shacabka.

Kulankii isniinta ee Xildhibaanada Golaha Shacabka, ayaa la marsiisayay akhrinta koowaad ee heshiiskii lagu dhisay Urur Goboleedka IGAD, iyadoo kulankaas uu si caadi ah u dhacay.

Xildhibaanada Golaha Shacabka ayaa sida caadiga ah kulamo yeesha saddex maalmood oo ka mid ah toddobaadka, kuwaas oo kala ah Sabti, Isniin, iyo Arbacada, Todobaadkaan, Golaha Shacabka ayaa si toos ah laba goor u yeeshay kulan, hase yeeshee, maanta waa uu baaqday kulankoodii seddexaad.