Liibiya, 30 Diseembar 2025 (Dawan)— Dowladda Liibiya ayaa muujisay midnimo buuxda iyo taageero dhab ah oo ay u hayso Dowladda Federaalka Soomaaliya, iyada oo carrabka ku adkaysay muhiimadda ay leedahay ilaalinta midnimada iyo madaxbannaanida Soomaaliya, isla markaana ka hortagaysa tallaabooyin hal dhinac ah oo wiiqi kara midnimada dhuleed ee dalka.
Bayaan ay Liibiya si rasmi ah u soo saartay , ayaa si cad u cambaareeyay aqoonsiga ay Israa’iil siisay Somaliland, iyadoo tallaabadan ku tilmaamtay mid aan la aqbali karin, taas oo khilaafsan madaxbannaanida iyo midnimada Soomaaliya, islamarkaana xadgudub ku ah sharciga caalamiga ah iyo Axdiga Qaramada Midoobay.
