Madaxweynaha Soomaaliya oo Booqasho Rasmi ah ku Tagay Aljeeriya

Aljeeriya, 11 November 2025 — Madaxweynaha Soomaaliya Xasan Sheekh Maxamuud ayaa Isniintii u bilaabmatay booqasho rasmi ah oo uu ku tagay Aljeeriya, taasoo ujeedadeedu tahay xoojinta iskaashiga labada dal.

Inta lagu guda jiro booqashada, Madaxweynaha Mohamud waxa uu la kulmi doonaa Madaxweynaha Aljeeriya Cabdumajiid Tebboune iyo mas’uuliyiin sare si looga wada hadlo iskaashi dhinacyo badan leh.

Labada dal ayaa sanadkan si dhakhso ah u soo cusboonaaday xiriirkooda. Bishii Agoosto 2025, Wasiirka Arrimaha Dibadda Soomaaliya Cabdisalaam Cabdi Cali ayaa booqasho rasmi ah ku tagay Aljeeriya, halkaasoo uu xarigga u jaray Safaaradda Soomaaliya ee dalkaas isla markaana la kulmay dhiggiisa Aljeeriya Axmed Ataf.

Booqashadii wasiirka Arrimaha Dibadda ayaa keentay heshiisyo ay ka mid yihiin: aasaasidda guddiyo isku dubarida iskaashiga wasiirro,in laga wadahadlo kordhinta deeqaha waxbarasho ee ardayda Soomaaliyeed sannadkiiba oo gaaraya 15 ilaa 50, iyo xoojinta la-tashiyada siyaasadeed ee arrimaha gobolka iyo kuwa caalamka.

Tani waxay tahay booqashadii ugu horreysay ee Madaxweyne Xasan Sheekh Maxamuud uu ku tago Aljeeriya. Waxa uu la socda wasiirro ka tirsan xukuumadda Soomaaliya, oo ay ka mid yihiin Wasiirka Arrimaha Dibadda iyo Iskaashiga Caalamiga Cabdisalaam Cabdi Cali, Wasiirka Gaashaan-dhigga Axmed Macallin Fiqi, Wasiirka Waxbarashada, Dhaqanka iyo Tacliinta Sare Farah Sheekh Cabdulkadir, iyo Wasiirka Macdanta iyo Batroolka Dahir Shire Maxamed.