Madaxweynaha Soomaaliya Xasan Sheekh Maxamud oo ku Wajahan Kismaayo.

Soomaaliya, 5 Oktoobar 2025 – Madaxweynaha Soomaaliya Xasan Sheekh Maxamud ayaa ku wajahan magaalada Kismaayo, caasimadda ku meel gaarka ah ee Jubaland, xilli ay jirtoxiisad adag ee u dhexeeya dowladda federaalka iyo maamulka Jubaland.

Booqashadan waxay imaanaysaa xilli Madaxweynaha Jubaland Axmed Maxamed Islaam “Madoobe,” Puntland, iyo hoggaamiyeyaasha mucaaradka ka socda Madasha Samatabixinta ay ku dhawaaqeen qorshahooda ah in la dhiso “Golaha Mustaqbalka Soomaaliya,” kaasoo looga golleeyahay mideynta hoggaamiyeyaasha mucaaradka iyo dowlad goboleedyada labada ah.

Booqashadan waxay noqonaysaa tan ugu horreysa ee Madaxweynaha Xasan uu ku tago Kismaayo muddo ka badan hal sano, tan iyo markii uu booqday bililii u horreeyey 2024.

Xiriirka u dhexeeya dowladda federaalka iyo Jubaland ayaa muddo dheer ahaa mid adag, gaar ahaan marka la eego khilaafka siyaasadeed ee u dhexeeya Madaxweynaha Xasan iyo Madaxweynaha Madobe. Khilaafkan ayaa salka ku haya arrimaha doorashooyinka, iyadoo labada madaxweyne ay isku diideen qaabka doorashooyinka loo qaban doono. Madaxweyne Madobe ayaa horey uga baxay kulankii Golaha Wadatashiga Qaran ee dhacay bishii Oktoobar 2024, sababo la xiriira khilaaf ka dhashay qaab-dhismeedka doorashada.

Intii uu socday khilaafka, waxaa dhacday arrimo ay ka mid yihiin dib u doorashada madaxweynaha Jubaland iyo dagaallo dhex maray ciidamada Jubaland iyo kuwa dowladda ee magaalooyinka Jubaland sida Raaskamboni iyo Gedo iyo in labada dhinac isku eedeeyaan dambiyo.

Inkasta oo aan si rasmi ah loo ogeyn nuxurka kulanka ay labada dhinac ka wada hadli doonaan, haddana waxaa dadka siyaasadda falanqeeya ay sheegayaan in booqashadan ay fursad u tahay in dib loo bilaabo wadahadallo dhexmara dowladda federaalka iyo Jubaland.