Soomaaliya (Dawan) — Soomaaliya ayaa la tacaalaysa xaalad bani’aadanimo oo sii xumeysa, kadib abaaraha soo noqnoqda iyo dagaallo ka jira qeybo ka mid ah dalka, iyadoo qorshaha Baahiyaha iyo Jawaabta Bani’aadanimo ee 2026 uu muujinayo in 4.8 milyan oo qof ay u baahan yihiin gargaarka degdegga ah.
Magaalooyinka wajahaya dhibaatiinka bani’aadamnimo waxaa ka mid ah Baydhaba, Beled Weyne, Jowhar, iyo degmada Daynile, kuwaas oo dhammaantood la daalaadhacaya saameynta abaaraha, waxaana lagu qiyaasay in boqolkiiba binta badadan oo ka mid ah dadka ku nool magaalooyinkan u baahan yihiin cunto, biyo, iyo hoy degdeg ah.
Baydhaba (Gobolka Bay): 475,900 qof ayaa baahi u qaba gargaarka, iyadoo 380,700 qof u baahan yihiin caawimaad degdeg ah.
Daynile (Gobolka Banaadir): 428,000 qof ayaa u baahan gargaarka, halka 342,400 qof ay xaalad degdeg ah ku sugan yihiin.
Jowhar: (Shabeella Dhexe): 76,000 qof ayaa baahi u qaba gargaarka, 60,800 qof oo kamid ah ayaa u baahan gargaarka muhiimka ah sida cunto, biyo, iyo hoy.
