Muhaajiriin ay Soomaali ku jirto oo laga soo badbaadiyay jasiiradda Lampedusa.

Lampedusa 20 October 2025 (Dawan) — Ciidamada badbaadada badda ee Talyaaniga ayaa sheegay in ay ka soo badbaadiyeen badda Mediterranean-ka doon siday ilaa 85 muhaajiriin ah, meel16 mayl u jirta jasiiradda Lampedusa, halkaas oo laba qof ay ku dhinteen14 kalana ay xaaladoodu halis tahay, oo ka yimid Liibiya.

Wararka laga helay warbaahinta Talyaaniga sida ANSA, Sky TG24, iyo La Sicilia ayaa xaqiijiyay in dadka la soo badbaadiyay ay u badan yihiin Pakistan, Eritrea, Soomaaliya, iyagoo sheegay in ay jiraan haweeney iyo shan carruur ah. Doonyaha Ilaalada Maaliyadda (Guardia di Finanza) iyo Ilaalada Xeebaha (Guardia Costiera) ayaa ka qeyb qaatay hawlgalka badbaadinta, ka dib markii helikobtarka HeloLux uu arkay doon sabbaynaysa badda dhexdeeda.

Saraakiisha badbaadada ayaa sheegay in labada qof ee dhintay ay u geeriyoodeen neefsashada gaaska shidaalka ee ku urursanaa qeybta hoose ee doonta, halka dadka dhaawacmay ay la ildaran yihiin xaalado la mid ah kuwaas. Qaar ka mid ah dadkaas ayaa la gaarsiiyay isbitaallada Palermo iyo Pantelleria iyadoo la adeegsanayo helikobtaro caafimaad.

Sida laga soo xigtay Flavio Di Giacomo, afhayeenka Hay’adda Caalamiga ah ee Socdaalka (IOM), ugu yaraan 916 muhaajiriin ayaa ku dhintay badda dhexe ee Mediterranean-ka sannadkan 2025 oo keliya. Waxauu ku daray in dhimashadaas ay tahay mid si joogto ah u sii kordheysa, isagoo ku baaqay in la kordhiyo dadaallada badbaadada iyo la-tacaalidda sababaha keena socdaallada khatarta ah.

Dhanka kale, xogta Qaramada Midoobay ayaa muujineysa in in ka badan 32,700 muhaajiriin ay ku dhinteen badda Mediterranean tan iyo sannadkii 2014, kuwaas oo qiyaastii shanti qofba mid ka mid ah uu yahay caruur ay ku jiraan. Mas’uuliyiinta UN-ka iyo hay’adaha samafalka ayaa sheegay in tiradaasi ay muujineyso heerka khatarta ah ee muhaajiriinta u socdaalaya Yurub.

Qaybaha

Qoraallo Cusub

Ra’iisul Wasaaraha Soomaaliya iyo safiirka Qatar oo ka wadahadlay ka jawaabista abaarta dalka

Warfaafinta Somaliland oo Shaqada Iska Casilay ka Dib Baajintii Xuska Buugga Xeer Ciise

Soomaaliya oo fartay hay’adaha caalamiga ah inay la jaanqaadaan qorshaha qaran ee caafimaadka

Muhaajiriin ay Soomaali ku jirto oo laga soo badbaadiyay jasiiradda Lampedusa.

Ra’iisul Wasaaraha Soomaaliya iyo safiirka Qatar oo ka wadahadlay ka jawaabista abaarta dalka

Warfaafinta Somaliland oo Shaqada Iska Casilay ka Dib Baajintii Xuska Buugga Xeer Ciise

Soomaaliya oo fartay hay’adaha caalamiga ah inay la jaanqaadaan qorshaha qaran ee caafimaadka

DDS oo xiraysa goobaha Caafimaad ee aan ruqsadda lahayn

Maqaallo La Xidhiidha

Madaxweynaha Somaliland oo Joojiyey Munaasabadda Xeer-Ciise

Madaxweyne Cirro Oo Amray In Ciidamada Laga Saaro Borama

Somaliland oo Dowladda Soomaaliya Ku Eedeysay Hurinta Rabshadaha Ka Socda Boorama.