Puntland oo beenisay in tacaddi loo geystay ganacsato KG

By Asha Elmi

Gaalkacyo, Soomaaliya – Guddoomiyaha Gobolka Mudug ee Puntland, Faysal Cabdullaahi Sheikh, ayaa beeniyay in tacaddi loo geystay ganacsato ka soo jeeda Koonfur Galbeed, kuwaas oo baraha bulshada lagu soo badhigay sawiradooda iyagoo gacmaha iyo lugaha ka xiran.

Guddoomiyaha ayaa sheegay 10 Juun 2025 in ganacsatadan ay iyagu raali ka yihiin in la xiro si loo bixiyo magta nin 19 sano ka hor la dilay oo loo haysto beesha ay kasoo jeedaan ganacsatadan.

Waxa uu sheegay in nimankaan xiran aysan cid qabiil u xirneen, dhibna aan loo geysan sida loogu faafiyay baraha bulshada oo ay ku xiranyihiin amar maxkmad.Faysal ayaa sidoo kale sheegay in ninka dilka geystay aan la soo qaban maamulka ay kasoo jeedaan ganacsatadan, magtiina aysan dhoobin. Markii ay heshiis gaareen, ganacsatada iyo reerka qofka la dilay waxay ku heshiiyeen in maxkamad la isla tago.

Kadib maxkamadda ayaa xukuntay in magta la bixiyo, waxay u qabteen mudda laakiin markii aan la fulin, waxaa la geeyey saldhigga sida uu sheegay.

Guddoomiyaha ayaa sheegay in markii saldhigga la geeyay ay is xirxireen, sawirro iska qaadeen, kadibna reerahooda ugu direen WhatsApp si magta loo soo dadajiyo.

"Dadkan lagu xiray ma ahan dad qabiil ahaan loo xiray, sidoo kale ma ahan dad xoog lagu afduubtay ama xoog lagu jajuubay, waa dad u xiran maxkamad oo saldhigga lagu hayo," ayuu yiri Guddoomiyaha Gobolka Mudug.

Hadalka Guddoomiyaha ayaa yimid kadib markii xildhibaanno ka tirsan Baarlamaanka Soomaaliya oo ka soo jeeda Koonfur Galbeed ay 10-ka Juun 2025 sheegeen in maamulka Puntland ee Gaalkacyo uu muddo seddex maalin ah si sharci darro ah ugu xiran yihiin ganacsato ka soo jeeda Koonfur Galbeed.

Qoraallo Cusub

Ra’iisul Wasaaraha Soomaaliya iyo safiirka Qatar oo ka wadahadlay ka jawaabista abaarta dalka

Warfaafinta Somaliland oo Shaqada Iska Casilay ka Dib Baajintii Xuska Buugga Xeer Ciise

Soomaaliya oo fartay hay’adaha caalamiga ah inay la jaanqaadaan qorshaha qaran ee caafimaadka

Qaybaha

Puntland oo beenisay in tacaddi loo geystay ganacsato KG

Ra’iisul Wasaaraha Soomaaliya iyo safiirka Qatar oo ka wadahadlay ka jawaabista abaarta dalka

Warfaafinta Somaliland oo Shaqada Iska Casilay ka Dib Baajintii Xuska Buugga Xeer Ciise

Soomaaliya oo fartay hay’adaha caalamiga ah inay la jaanqaadaan qorshaha qaran ee caafimaadka

DDS oo xiraysa goobaha Caafimaad ee aan ruqsadda lahayn

Maqaallo La Xidhiidha

Madaxweynaha Somaliland oo Joojiyey Munaasabadda Xeer-Ciise

Madaxweyne Cirro Oo Amray In Ciidamada Laga Saaro Borama

Somaliland oo Dowladda Soomaaliya Ku Eedeysay Hurinta Rabshadaha Ka Socda Boorama.