Qarax miino oo Ambulance ku haleelay deegaan ka tirsan Mandheera

Mandheera (Dawan)- Deegaanka Iresuki ee Mandheera ayaa saaka subaxnimadii hore ka dhacay qarax miino, kaas oo haleelay gaari ambulance ah oo uu lahaa Isbitaalka weyn ee Mandherra, sida ay sheegatay idaacadda Dawa FM.

Ambulance-ka, oo uu saarnaa bukaan laga keenay deegaanka Kutulo si loogu qaado Mandhera, ayay miinadu la kacday intii uu ku sii jeeday isbitaalka.

Darawalka gaariga oo lagu magacaabo Suleymaan ayaa dhaawac fudud ka soo gaaray qaraxa, iyadoo bukaanka iyo rakaabkii kale ee gaariga saarnaa ay ka badbaadeen.

Wararka ka imaanaya Mandera ayaa sheegaya in kooxda gurmadka degdegga ah ay u gurmadeen dhaawacyada, halka sidoo kale baaritaan lagu bilaabay goobta qaraxu ka dhacay.