Muqdisho (Dawan TV) – Ra’iisul Wasaarihii hore ee Soomaaliya, Maxamed Xuseen Rooble, ayaa ku eedeeyay Madaxweynaha Soomaaliya Xasan Sheekh Maxamuud inuu qorsheynayo in uu maamul gaar ah u sameeyo gobolka Gedo, arrin uu ku sheegay mid sii kala fogeyn karta xasilloonida koonfurta dalka.
Rooble ayaa sheegay in aysan ahayn markii ugu horreysay ee qorshahan la isku dayo, isaga oo xusay in Madaxweynihii hore Maxamed Cabdullaahi Farmaajo uu hore u isku dayay in uu Gedo ka dhiso maamul kale, balse isaga (Rooble) uu ka hor istaagay.
“Madaxweynaha wuxuu rabaa inuu maamul gaar ah u dhiso Gedo, arrintaas waxaa hore u isku dayay Farmaajo balse anigaa ka hor istaagay,” ayuu yiri Rooble.
