Saalim Caliyow Ibrow oo 10 sano ka dib wasiir noqday mar kale.

Soomaaliya, 27 October 2025 – Ra’iisul wasaaraha Soomaaliya Xamse Cabdi Barre ayaa maanta Saalim Caliyow Ibrow u magacaabay wasiirka wasaarada Shaqada iyo arimaha bulshada Xukuumadda Soomaaliya, ka dib 10 sano uu ka maqnaa xilka wasiirnimo ee xukuumadihii is bedel bedal mudadaas.

War qoraal ah oo lagu daabacay bogga internet-ka ee xafiiska Ra’iisul wasaaraha ayaa lagu sheegay in howladaha adag ee wasaaradddaan horyaalo uu yahay Saalim Caliyow shaqsi ka bixi karo. Waxa uuna badali doonaa xildhibaan Yuusuf Maxamed oo xilkaan horay u haayay.

Saalim Caliyow, oo leh khibrad siyaasadeed oo ka badan 25 sano, ayaa muddo 10 sano ah ka maqnaa xukuumadda Soomaaliya. Wasiirka cusub, oo ah xubin ka tirsan Baarlamaanka Soomaaliya tan iyo 2000, ayaa muddo dheer ka soo shaqeeyay arrimaha bulshada, cadaaladda, iyo dhaqaalaha.

Waxa uu soo noqday kusime ra’iisul wasaare ka dib markii uu xilka iska casilay ra’iisul wasaare Cali Max’ed Geeddi 2007 ka hor inta aan la soo magacaabin ra’iisul wasaare Nuur Xassan Xussein “Nuur Cadde”, waxa uu sidoo kale soo noqdday ra’iisul wasaaare ku xikeen soo noqday inti u dhaxeysay 2004 ilaa 2007.

Xilalka kale ee uu soo qabtay waxaa ka mid ah in uu isku maray xilka wasiirnimo ee wasaraadaha Cadaaalada, maaliyadda, xanaanada xoolaha, iyo tamarta iyo kheyraadka biyaha inti u dhaxeysay 2004 ilaa 2015.

Magacaabistiisa ayaa ku soo aadeysa xilli shaqa la’aanta dhalinyarada Soomaaliya lagu qiyaaso in ka badan 70 boqolkiiba, iyada oo qoraalka lagu magacaabay ay la socotay in wasaaradda shaqooyin adag ay hortaagan yihiin.