Sacuudi Carabiya, 12 November 2025 - Dowladda Federaalka Soomaaliya iyo Boqortooyada Sacuudi Carabiya ayaa saxiixay heshiiska qadarka xujeyda ee sannadka 1447/2026, kaasoo u oggolaanaya 11,500 xujey Soomaali ah inay xajka gutaan sanadka soo socda.
Heshiiskan waxaa Jeddah ku saxiixay Wasiirka Awqaafta iyo Arrimaha Islaamka ee Soomaaliya, Mukhtaar Robow Cali, iyo Wasiirka Xajka iyo Cumrada ee Sacuudi Carabiya, Tawfiq bin Fawzan Al-Rabiah, sida ay sheegtay warbaahinta dowladda Soomaaliya Talaadadii.
Heshiiska sanadwalba la cusbooneysiiyo wuxuu qeexayaa tirada xujeyda ka imanaysa Soomaaliya iyo shuruudaha iskaashiga lala yeelanayo mas’uuliyiinta Sacuudi Carabiya.
