Shiinaha oo taageeray midnimada Soomaaliya kadib go’aankii Israa’iil

Muqdisho ( Dawan)- Safiirka Shiinaha ee Soomaaliya, Wang Yu iyo Wasiirka Arrimaha Dibedda ee Soomaaliya, Cabdisalaam Cabdi Cali ayaa qadka telefoonka uga wada hadlay xaaladda ka dhalatay go’aanka Israa’iil ee aqoonsiga Somaliland.

Wada hadalkan ayaa xoogga lagu saaray muhiimada ilaalinta midnimada qaran iyo midnimada dhuleed ee Soomaaliya, iyadoo labada mas’uul ay si adag u cambaareeyeen gooni-istaagga iyo tallaabo kasta oo khatar gelinaysa danaha aasaasiga ah ee Soomaaliya iyo gobolka.

Safiirka Shiinaha, Wang Yu, ayaa careabka ku adkeeyay in dalkiisu si buuxda u garab taagan yahay Soomaaliya, isla markaana uu sii wadi doono inuu noqdo saaxiib taageero buuxda u fidinaya Soomaaliya si loo xaqiijiyo nabadd, xasilloonida, iyo horumar waara.

Wada hadalkan taleefanka ah ayaa ku soo beegmaya xilli ay caalamku ka hadlayo saamaynta ka dhalan karta go’aanka Ra’iisul Wasaaraha Israa’iil ee aqoonsiga Somaliland, kaas oo si weyn u kiciyay xiisad diblomaasiyadeed iyo siyaasadeed