Sidee laga yeelayaa waaranka soo qabasho ee Axmed Madoobe ka yaalla Gobolka Banaadir?

Muqdisho (Dawan) – Khilaafka u dhexeeyay dowladda Federaalka Soomaaliya iyo dowlad-goboleedka Jubaland waxa uu gaaray meel sare taas oo keentay in Maxkamadda Gobolka Banaadir ay soo saartay 25-kii November 2025 amar ah in la soo qabto Madaxweynaha Jubbaland, Axmed Madoobe, ka dib codsi ka yimid Xafiiska Xeer-ilaalinta Guud.

Shir wadatashi qaran oo dowladda iyo xubnaha mucaaradka ay ku yeeshaan Muqdisho ayaa lagu qorsheynayaa 1-da Febraayo 2026, waxaana ka qayb geli doona Madaxweynaha Jubbaland, Axmed Madoobe.

Guddoomiyaha Guddiga Farsamada ee Golaha Mustaqbalka Soomaaliyeed, sidoo kalena xubin ka ah Guddiga Dib-u-eegista Dastuurka, Xildhibaan Cabdullaahi Abuukar Xaaji Carab, oo wareysi gaar ah siiyay Dawan Media ayaa ka hadlay waarankaas hore ee Maxkamadda wuxuuna yriri " "Axmed Madoobe wuu imaanaya, waa la marti qaaday, madaxweynaha (Xasan) wuu tegay meeshaas. Kismaayo ayuu tegay, isaga ( Madoobe) xitaa waaran gaar ah ma aha, wuu imaanayaa. Waxaa laga soo gudbay waarankaas hore."

Arrintan ayaa muujinaysa in xaaladda siyaasadeed ee Jubbaland iyo dowladda Federaalka ay ku socoto waji cusub oo ku aaddan wadatashiga qaran iyo in wixii hore la doonayo in laga gdubo.