Somaliland oo ku dhawaaqday fasax qaran kadib aqoonsiga Israa’iil

Hargeysa ( Dawan)- Iyadoo la tixgelinayo aqoonsiga rasmiga ah ee Somaliland ay ka heshay Israa’iil, ayuu maamulka Somaliland ku dhawaaqay in Sabtida, 27ka Diseembar, iyo Axadda, 28ka Diseembar 2025, ay yihiin maalmo fasax qaran.

Go’aankan ayaa qayb ka ah dabaaldegga loogu talagalay in lagu wayneeyo go’aanka taariikhiga ah ee Somaliland ku heshay matkii ugu horeysay aqoonsi.

Guddiga Shaqaalaha Rayidka ee Somaliland ayaxaqiijijiyay in, iyadoo la raacayo amarka Madaxweynaha, in dhammaan shaqaalaha la fasaxayo labo maalmood.

Guddiga ayaa wargeliyay wasaaradaha iyo hay’adaha kale si loo hakiyo shaqada maalmaha la cayimay.

Guddoomiyaha Guddiga Shaqaalaha ayaa hambalyo u diray shacabka Somaliland ee gudaha dalka iyo dibaddiiba. "Anagoo matalaya Guddiga Shaqaalaha Dawladda iyo dhammaan shaqaalaha dowladda, waxaan hambalyo u diraynaa shacabka Somaliland, shaqaalaha, qoysaskooda, iyo ehelkooda. Aqoonsigan waa guul taariikhi ah, waxaana rajeyneynaa in lagu dabaaldego farxad iyo sharaf," ayuu yiri.

Ku dhawaaqidan ayaa muujineysa muhiimadda aqoonsiga Israa’iil, oo loo arko tallaabo weyn oo ku saabsan dadaallada diblomaasiyadeed ee Somaliland.