Muqdisho (Dawan)- Ra’iisul Wasaaraha Xukuumadda Federaalka Soomaaliya, Mudane Xamsa Cabdi Barre, iyo Wasiirka Maaliyadda Jabuuti, Mudane Ilyaas Muuse Dawaale, ayaa ka wada hadlay xoojinta iskaashiga dhinacyada maaliyadda iyo maalgashiga, si loo horumariyo xiriirka dhaqaale ee u dhexeeya labada dal.
Ra’iisul Wasaaraha ayaa wasiirka la wadaagay horumarka ay Soomaaliya ka gaartay kobaca dhaqaalaha, dib-u-habeynta nidaamka maaliyadeed, iyo ballaarinta ilaha dakhliga dowladda.
Sidoo kale, Ra’iisul Wasaare Xamsa Cabdi Barre ayaa adkeeyay in Soomaaliya ay mudnaan siinayso ka faa’iidaysiga fursadaha maalgashi, gaar ahaan dhinacyada macdanta, tamarta korontada, iyo wax-soo-saarka, kuwaas oo door muhiim ah ka qaadan kara xaqiijinta isku-filnaansho dhaqaale oo ay gaaraan dalalka Geeska Afrika, isla markaana hoos u dhigi kara ku tiirsanaanta kaalmo shisheeye.
