Soomaaliya 8 Oct. 25 (Dawan) – Soomaaliya ayaa maanta dib ula soo wareegtay awooda maamulka iyo kormeerka ee xuquuqda aadanaha ka dib kulankii Golaha Xuquuqda Aadanaha ee Qaramada Midoobay ee ka dhacay Geneva. Kulanka, ayaa Soomaaliya u noqday fursad muhiim ah oo oo ay ku xaqiijisay dib-u-isticmaalka awoodda kormeerka xuquuqda aadanaha ee Hay’adda Qaramada Midoobay.
Tan iyo 1993, Hay’adda Xuquuqda Aadanaha ee Qaramada Midoobay ayaa haysay gacanta kormeerka, baarista iyo warbixinta arrimaha xuquuqda aadanaha ee Soomaaliya. Bayaanka kasoo baxay Wasiiradda Wasaaradda Qoyska iyo Horumarinta Xuquuqda Aadanaha, Khadija Mohamed Al-Makhzoumi, ayaa lagu sheegay in dadaal dheer iyo taageero ka timid dowlado badan ay u suurta gelisay Soomaaliya in ay dib ulu soo laabato awoodan. Wasiiradda ayaa sidoo kale ku tilmaantay maanta "maalin weyn" oo taariikhda Soomaaliya ka mid ah, iyadoo si gaar ah ugu mahadcelisay dowladihii taageeray ololahan.
“Maanta waxa ay noo tahay maalin weyn oo Soomaaliya ay dib u qortay taariikh cusub, waxaan halkaan si mug leh ugu mahadcelinayaa dowladihii nagu garab siiyey ololahan culus ee aynu guusha kasoo hoynay,” ayay ku qortay boggeeda Facebook.
