Muqdisho, 5 Oktoobar 2025 (Dawan) – Wasiirka Wasaaradda Waxbarashada Soomaaliya, Faarax Sheekh Cabduqaadir, ayaa sheegay in qofka dhammaysta tababarka layli sarkaal uu heli doono shahaado jaamacadeed oo la mid ah tan jaamacadaha dalka iyo kuwa dibadda, taas oo loo aqoonsan doono inuu qaatay tababar heer jaamacadeed ah. Waxa uu tilmaamay in dugsiga tababarka ee Turkisom loo aqoonsaday jaamacad ka mid ah kuwa dalka, isla markaana ay wasaaradda aqoonsan tahay.
Wasiirku waxa uu ka hadlay munaasabad tababar loogu soo xirayay saraakiil, saraakiil-xigeenno, iyo cutubyo ka tirsan ciidamada Gorgor ee Xoogga Dalka kuwaas oo tababaro ku soo qaatay dalka Turkiga iyo kuliyadda tababarka ciidamada ee Turkisom iyo furitaanka sanadka waxbarashadeeka kuliyada ee 2025–2026. Wasiirku waxa uu sheegay in sanadkii hore la bilaabay in tababarkan layli sarkaal uu noqdo tababar jaamacadeed oo rasmi ah.
“Kuliyadda tababarka Turksom waa xarun jaamacadeed oo la aqoonsan yahay, ardayga ka soo baxana waxa uu helaa shahaado jaamacadeed oo rasmi ah,” ayuu yiri wasiir Faarax Sheekh Cabduqaadir.
Muxuu yahay Tababarka Layli Sarkaal?
