Nairobi, 15 December 2025 (Dawan)- Toban qof ayaa ku dhintay, halka lix kale ay ku dhaawacmeen shil gaari oo xalay ka dhacay meel u dhow xarunta ganacsiga Chabera ee Bariga Rachuonyo, ismaamulka Bay ee dalka Kenya
Shilka ayaa dhacay abbaaro 8-dii fiidnimo, kadib markii gaari nooca Nissan matatu ah oo ay la socdeen dad rakaab ah uu si fool ka fool ah ugu dhacay gaari xamuul ah oo ka yimid dhanka Oyugis kuna sii jeeday Katito.
Dadka ku dhintay shilka ayaa isugu jiray lix dumar ah iyo afar rag ah, kuwaas oo uu ka mid yahay darawalkii matatu-ga. Dhaawacyada lixda qof ee kale ayaa la geeyay xarumo caafimaad si loogu daweeyo.
