Washington, D.C., Mareykanka - Madaxweynaha Mareykanka, Donald Trump, ayaa amar ku bixiyay hakinta gargaarka milatari ee Mareykanka siinayo Ukraine. Tallaabadan oo ka dhalatay muran dhex maray isaga iyo Madaxweynaha Ukraine, Zelensky, ayaa lagu micneeyay baahida loo qabo in Kyiv ay ka qeyb qaadato wadahadallo nabadeed.
Sarkaal ka tirsan Aqalka Cad ayaa xaqiijiyay go’aankan, isagoo tilmaamay in hakintan ay salka ku hayso sidii loo taageeri lahaa dadaallada nabadeed ee gobolka. Madaxweyne Trump ayaa hore u dhaleeceeyay Zelensky isagoo ku eedeeyay inuu yahay kaligii taliye, sidoo kalena uu taageero u fidiyay aragtida Ruushka ee sheegaysa in dagaalka ay Ukraine bilowday.
Dhinaca kale, hoggaamiyeyaasha Yurub ayaa si weyn u cambaareeyay go’aankan Mareykanka, iyagoo ku tilmaamay mid khaldan oo aan loo baahnayn. Waxay ku baaqeen in la sii wado taageerada Ukraine si loo ilaaliyo xasilloonida iyo nabadgelyada gobolka.
