Muqdisho ( Dawan)– Safiirka Boqortooyada Midowday u fadhiya Soomaaliya, Charles King, ayaa bogaadiyay habsami u socodka iyo jawiga nabadeed ee ay ku qabsoomeen doorashooyinka golayaasha deegaanka ee Gobolka Banaadir, kuwaas oo Khamiistii ka dhacay caasimadda Muqdisho.
Danjire King ayaa ammaanay sida nidaamsan ee ay u qabsoontay doorashada, isagoo mar kale xaqiijiyay taageerada joogtada ah ee Boqortooyada Midowday ay u hayso hammiga dimuqraadiyadeed ee Soomaaliya.
“Boqortooyada Midowday waxay soo dhoweynaysaa sida nabadda ah ee ay u qabsoomeen doorashooyinka deegaanka ee Muqdisho, waxaanan mar kale adkeyneynaa taageeradayada ku aaddan safarka dimuqraadiyadeed ee Soomaaliya,” ayuu yiri danjiraha, farriin hambalyo ah oo uu diray.
