Kismaayo 21 December 2025 (Dawan)- Raiisul wasaarihii hore ee Soomaaliya, Xasan Cali Kheyre, oo ka hadlay xiritaankii shirka mucaaradka ee Kismaayo uga socday muddo seddex maalmood ah, ayaa ka si cad uga digay halista siyaasadeed, amni iyo dhaqaale ee dalka. Kheyre ayaa sheegay in dalka uu wajahayo xaalad adag, isaga oo sheegay in aan la garanaynin meehha uu ku dambeeyay dastuurkii dalka ee wax ka bedelka lagu sameeyay qeybo ka mid ah qodobadiisa.
Dhanka dhaqaalaha waxa uu sheegay in muwaadiniintu ay gaareen xaalad ay awoodi waayaan inay wax iibsadaan, halka ganacsatada gudaha iyo kuwa caalamiga ah ay dalka ka cararayaan. Waxa uu dowladda ku eedeeyay inay canshuur xad dhaaf ah kusoo rogaty dadwayanaha, iyada oo ay dalka ka jirto abaar saamayn ku yeeshay dadka iyo xoolaha.
