Wararka Dunida oo kooban

Jabuuti.

Dowladda Jabuuti ayaa si rasmi ah u dirtay 373 askari oo qeyb ka ah kaalmadeeda howlgalka kala-guurka Midowga Afrika ee Soomaaliya (AUSSOM). Cutubkan cusub ayaa lagu wadaa inuu xoojiyo joogitaanka ciidamada Jabuuti ee bartamaha Soomaaliya, gaar ahaan gobollada Hiiraan iyo Galgaduud

Muqdisho

Dowladda Federaalka Soomaaliya ayaa markale ku adkaysatay joogitaanka ciidamada qaranka ee gobolka Gedo, iyada oo ku eedeysay shaqsiyaad siyaasadeed oo la safan hoggaanka Jubbaland in ay hurinayaan xasillooni darro iyo iska horimaad ka dhan ah amniga qaran.

Sanca

Toddoba muhaajiriin Itoobiyaan ah ayaa u geeriyooday gaajo iyo haraad, kadib markii doon ay la socdeen ay cilad ku timid xilli ay ka soo baxayeen magaalada Boosaaso ee Soomaaliya kuna sii jeedeen dalka Yemen, sida uu xaqiisay Hay’adda Caalamiga ah ee Socdaalka (IOM) Arbacadii.

Kismaayo

golaha Wasiirrada Dowlad-goboleedka Jubbaland ayaa si rasmi ah ugu eedeeyay Madaxweynaha Dowladda Federaalka Soomaaliya, Xasan Sheekh Maxamuud, in uu mas’uul ka yahay hurinta colaadaha ka taagan gobolka Gedo.