Minnesota, 15 December 2025 (Dawan)- Xildhibaanad Ilhan Cumar ayaa sheegtay in wiilkeeda ay qabteen saraakiil ka tirsan Hay’adda Socdaalka iyo Ilaalinta Kastamka Mareykanka ee loo yaqaano (ICE), balse ay sii daayeen mar dambe kadib markii uu tusay baasaboorkiisa. Dhacdadan ayaa ku soo beegmeysa xilli ay sii kordheyso colaadda ka dhanka ah dadka muhaajiriinta ah, gaar ahaan bulshada Soomaaliyeed ee ku nool Mareykanka.
Ilhaan Cumar ayaa Axaddii arrintan kaga warrantay wareysi ay siisay WCCO-TV (CBS Minnesota), iyadoo sheegtay in wiilkeeda la qabaty maalin ka hor. “Shalay… wiilkayga waxaa xiray saraakiil ka tirsan ICE, markii uu soo bandhigay baasaboorkiisa aqoonsiga, waa la sii daayay.”” ayay tiri. Ilhaan.
Xildhibaanadda ka tirsan Xisbiga Dimoqraadiga ah ee laga soo doorto gobolka Minnesota ayaa ku eedeysay saraakiisha Hay’adda Socdaalka beegsiga sii kordhaya ee dhallinyarada u muuqaalka eg Soomaali. Waxay intaa ku dartay: “Waxay u maleynayaan in dhallinyaradan ay yihiin dad aan sharci haysan, iyadoo aan loo eegin xaqiiqda.”
