Muqdisho (Dawan)- Waxaa qoray, Xildhibaan Cabdiraxmaan Cabdishakuur .
Xadgududbka ay Itoobiya kula kacayso Soomaaliya waa mid iyada u daran, sababtoo ah waa dal kala socda oo ay dagaallo sokeeye ka socdaan.
1- Qowmiyadda Tigreega horay ayaa ku dhowaaad hal milyan oo qof looga dilay, dib isku diyaarin bay ku jiraan.
2- Gobolka Amxaarada bandow baa saaran, laakiin jabhaddoodu mararka qaar Addis-Abbaba ayey ilaa 100km u soo jirsataa.
3- Heshiiskii dawladda iyo Jabhadda Oromada wuu burburay, Wasiiru dawlihii Wasaaradda Nabadda Mr Taye Dandea ee dawladda ku eedeyey in ay ka danbaysay fashilka heshiiska Xabsiga ayaa la dhigay, jabhadduna duleedka Caasimadda ayay ka dagaalantaa.
4- Dagaalladaasi waxay dalka geliyeen qarash balaayiin doolar, intaa waxaa u dheer in taliskii Tigreegu uu horay u xaalufiyey qasnadda dawladda, halka musuqa baahsan u sii dheer yahay, kuwaas oo sababay in dawladdu ay daynta iska bixin la’dahay.
5- Maamulka Abiy Inta badan deriska iskuma wanaagsana, dunida kalana cidna taageero kaga heli mayo in xiisad hor leh geeska Afrika ka aloosanto, iyadoo kuwii hore loo taag la’yahay.
Halka Soomaaliya uu yahay;
1- Dal isku soo noqonaya, dadkiisuna isku imaanayaan.
