Muqdisho (Dawan)– Hay’adda aqoonsiga qaranka ee Soomaaliya ayaa cadeeysay in qof kasta oo muwaadin ah ama sharci ku deggan dalka inuu xaq u leeyahay in la siiyo kaarka aqoonsiga qaranka (NIRA). Qofka muwaadinka ah waxaa lagu xaqiijiyaa dukumiintiyo dowladeed oo rasmi ah, sida baasaboorka, shahaadada dhalashada, ama laysanka darawalnimada, kuwaas oo caddeynaya jinsiyaddiisa.
Maareeyaha Hay’adda Aqoonsiga Qaranka (NIRA), Cabdiwali Cali Cabdulle (Tima-cadde) ayaa sheegay in habka diiwaangelinta uu yahay mid adag oo lagu hubiyo xaqiiqda qofka. “Tusaale ahaan, qof qiyaastii 50 jir ah hadduu yiraahdo 30 jir baan ahay, ma aqbalno,” ayuu yiri, isaga oo xusay in qofka lala yeesho wareysi lagu xaqiijinayo hadalkiisa.
Dhanka kale, dadka aan haysan dukumiintiyo rasmi ah—oo badankoodu yihiin reer guuraa iyo beeraleey—ayaa sidoo kale fursad loo siiyay si ay is diiwaan geliyaan. Fursaddan waxaa ka mid ah in qof damaanad ah uu keeno, sida mas'uul dowladeed, oday dhaqameed, sheekh, dhaqtarka, ama macallin, kuwaas oo loo arkay inay yihiin kuwo lagu kalsoonaan karo. Laakiin xitaa dadkaas waa in ay hore isku diiwaan geliyaan oo ay haystaan kaarka NIRA.
Maareeyaha ayaa hadalkiisa raaciyay " Maanta waa iska imid, qof baan iska damiinanayaa makuuu suurtoobeyso"
