Muqdisho (Dawan)- Halkaan kala soco wararka dunida oo kooban, adiga oo faahfaahinta iyo sheekooyin kale ka heli kara bogaga aan ku leenahay Baraha Bulshada ee Dawan TV.
Gaza
Tirada dadka Falastiiniyiinta ah ee ku dhintay weerarada joogtada ah ee ay Israa’iil ku hayso Marinka Gaza ayaa kor u dhaaftay 20,674, sida ay sheegtay Wasaaradda Caafimaadka ee Gobalka Gaza.
Roma
Pope Francis ayaa walaac ka muujiyay xaaladda bini’aadantinimo ee Marinka Gaza, wuxuuna ku baaqay in la joojiyo colaadda, taas oo dhibaato ku ah nolosha dadka Israa’iil iyo Falastiin.
Turkiga
Madaxweynaha Turkiga, Recep Tayyip Erdogan, ayaa muujiyay sida ay uga go’an tahay shacabka dalkiisa inay taageeraan dadka dulman, gaar ahaan kuwa ku go’doonsan Marinka Gaza.
Madaxweynaha Turkiga, Recep Tayyip Erdogan, ayaa yiri: Kooxaha argagixisada ee Waqooyiga Ciraaq iyo Suuriya nagama weecin karaan yoolka aan hiigsaneyno.
Sirdoonka Turkiga ayaa ka takhalusay hogaamiyaha ururka argagixisada ee PKK ee Waqooyiga Ciraaq, sida ay sheegeen laamaha ammaanka ee dalkaas.
Gaza
Masiixiyiinta ku sugan Marinka Qaza ee la kulmaya xadgudubyada iyo weerarrada Israa’iil tan iyo 7-dii Oktoobar, ayaa oogay cibaadadooda habeenimo, taas oo qayb ka ah caadooyinka diimeed ee la socda Christmas-ka sida waafaqsan jadwalka Reer-galbeedka.
Falastiin
Wadaadka Diinta Masiixiga ee Quddus ayaa farriintiisa Christmas-ka ku muujiyay walaaca xooggan ee uu ka qabo dhibaatada joogtada ah ee ay la kulmayaan dadka Falastiiniyiinta.
