Jigjiga (Dawan) – Iskaashatada Milixda Walaalaha Af-Dheer, oo la aasaasay ku dhowaad 20 sano ka hor, ayaa noqotay mid ka mid ah xarumaha ugu waaweyn ee wax-soo-saarka milixda ee Dowlad Deegaanka Soomaalida, iyadoo ka faa’iidaysanaysa khayraadka dabiiciga ah ee milixda ku jira deegaanka.
Mas’uuliyiin ka tirsan iskaashatada ayaa sheegay in wax-soo-saarka milixdu gaaray heer ballaaran, iyadoo maalintii la soo saaro in ka badan 10,000 tan, taas oo loo suuq geeyo deegaanno kala duwan oo gudaha dalka ah iyo sidoo kale dalalka deriska ah.
Siyaad Xuseen, oo ah xubin ka tirsan iskaashatada oo la hadlay warbaahinta deegaanka, ayaa sheegay in iskaashatadu ay si weyn u ballaarisay wax-soo-saarkeeda tan iyo markii la aasaasay sannadkii 2005.
“Wax-soo-saarkeennu aad buu u ballaaran yahay. Maalintii waxaan soo saarnaa kumannaan tan oo milix ah, waxaana u rarnaa suuqyada gudaha iyo kuwa dibadda,” ayuu yiri.
