UK, 24 Noofambar 2025 — Kooxda Arsenal ayaa guul weyn ka gaartay Tottenham Hotspur kadib markii ay 4–1 kaga adkaadeen ciyaartii Derbiga Waqooyiga London ee ka dhacday Emirates Stadium Axaddii , iyadoo Eberechi Eze uu dhaliyay saddex gool (hat-trick).
Arsenal ayaa si buuxda u maamushay ciyaarta, iyadoo sii xoojisay hoggaanka horyaalka Premier League. Inkasta oo difaaca Gabriel Magalhães uu dhaawac kaga maqnaa safka, haddana Gunners-ku waxay muujiyeen awood dhanka weerarka ah iyo isku xirnaan ciyaareed oo sarreysa.
Guushan kaddib, Arsenal waxay gaartay 29 dhibcood, iyagoo 7 dhibcood ka sareeya Manchester City, halka Liverpool ay 11 dhibcood ka hooseyso hoggaamiyaha horyaalka.
Tottenham ayaa noqotay kooxda keliya ee xilli ciyaareedkan laba jeer ku dhamaysata qeybta hore ee ciyaarta iyada oo aan wax laad ah ku tuurin goolka, taasoo muujinaysa dhibaato ka jirta weerarkooda iyo hab-dhiska ciyaareedkooda.
