Soomaaliya, 24 Febraayo 2026 (Dawan)– Urur Goboleedka Horumarinta ee IGAD ayaa maanta ugu baaqay madaxda siyaasadda Soomaaliya inay sii wadaan wada-hadallada “niyad samida” ah, maalin ka dib markii ay heshiis la’aan ku dhamaadeen wada-xaajoodyo heer sare ah oo u dhexeeyay dowladda federaalka iyo isbahaysiga mucaaradka ee Golaha Mustaqbalka Soomaaliyeed.
Xoghayaha Fulinta ee IGAD, Workneh Gebeyehu, ayaa qiray dadaallada laga sameeyay wada-hadalka, wuxuuna ku dhiirrigeliyay labada dhinac inay si niyad sami ah uga qayb qaataan xallinta arrimaha harsan.
Bayaanka IGAD ayaa lagu xusay ka qaybgalka muddada dheer ee ururka ee nabadda Soomaaliya iyo geeddi-socodka dhismaha qaranka, waxayna dib u xaqiijiyeen sida ay uga go’an tahay taageerada Soomaaliya, oo ah xubin aasaasi ah oo ka tirsan urur goboleedka, si loo gaaro nabad iyo xasillooni waarta.
