Itoobiya (Dawan) — Guddoomiyaha Guddiga Midowga Afrika, Maxamuud Cali Yuusuf, ayaa si weyn u soo dhaweeyay saxiixa Axdiga Nabadda iyo Dib-u-Heshiisiinta Qarank ee Liibiya, kaas oo uu saxiixay Madaxweynaha Golaha Madaxtooyada Liibiya, Maxamed Yuunis Al-Menfi, 7-dii Janaayo 2025, isagoo tallaabadan ku tilmaamay mid muhiim ah oo xoojinaysa dadaallada lagu taageerayo nabadda iyo xasilloonida dalkaas.
Guddoomiyaha Guddiga Midowga Afrika ayaa bogaadiyay ballanqaadka ka muuqda saxiixa axdiga, isagoo sheegay in uu si toos ah ugu adeegayo geeddi-socodka nabadda iyo dib-u-heshiisiinta qaran, isla markaana uu yahay isbeddel lama huraan ah oo horseedi kara nabad waarta oo ka hanaqaadda Liibiya.
Waxa uu ugu baaqay dhammaan dhinacyada kala duwan ee Liibiya inay muujiyaan ka-go’naansho buuxda, isla markaana ay si wax ku ool ah oo daacadnimo ku jirto uga qayb qaataan hirgelinta axdiga, iyagoo ku dhaqmaya masuuliyad, wada-hadal iyo dulqaad, si danaha qaranku uga sarreeyaan dano kasta oo kale.
