Baydhabo – Wasiirkii hore ee Maaliyadda Soomaaliya, haddana ah musharrax madaxweyne ee Koonfur Galbeed, Maxamed Aadan Farkeeti, ayaa sheegay in magacaabisyada ka imaaneya Wasaaradda Arrimaha Gudaha Soomaaliya iyo xafiiska Raysulwasaarha ee la xiriirta maamulka Koonfur Galbeed aysan ahayn sharci.
Farkeeti ayaa xusay in Koonfur Galbeed Soomaaliya ay leedahay dastuur u gaar ah oo si cad u qeexaya nidaamka lagu maamulayo kala wareegga hoggaanka marka uu madaxweynaha xilka baneeyo.
“Magacaabisyada ka imaanaaya Wasaaradda Arrimaha Gudaha iyo Xafiiska raysulwasaaraha maaha ma noqnaayo wax harci ah, waxaana jecelnahay in sharciga lagu xisaabtamo,” ayuu yiri Farkeeti.
Sida uu sheegay, dastuurka Koonfur Galbeed ayaa dhigaya in haddii madaxweynuhu xilka ka baxo uu si ku-meel-gaar ah xilka ula wareego guddoomiyaha baarlamaanka. Haddii guddoomiyuhu maqnaado ama aan la heli karin, xilka waxaa sii haya ku-xigeenka guddoomiyaha baarlamaanka ilaa laga qabanayo doorasho cusub.
