Muqdisho (Dawan Africa) – Hantidhawrka Qaranka Soomaaliya ayaa sheegay in shirkadda SKA International Group ay ku maqan tahay ku dhawaad $1 milyan oo la xiriirta heshiisyo kirada ah oo ay la gashay dowladda Federaalka, sida lagu xusay warbixin rasmi ah oo la daabacay.
Warbixinta ayaa muujisay in dib-u-eegis lagu sameeyay diiwaannada maaliyadeed iyo dukumeentiyada heshiiska ay keentay in la ogaado farqi u dhexeeya lacagaha la filayay iyo kuwa laga helay shirkadda, taasoo dhalisay lacago maqan oo gaareysa $860,000.
Warbixintu waxay sidoo kale tilmaantay in heshiiska uu daboolayo muddo dhowr sano ah, iyadoo lacagaha kirada lagu bixiyay qaybo kala duwan, balse ay jiraan dib-u-dhacyo iyo kala duwanaansho ku yimid jadwalka bixinta.
